القوانين الكونية السبع

من أول بداية لتاريخ الكون أو الكائنات الحية بالضبط كان كلشي كيبحث على ماهية الكون و شنو الحاجات لي ممكن نديروها باش نوصلو لنتيجة و نفهمو ذاتنا كثر ، للأسف ما حد البشرية كتطور و الإنسان كيقلل من هاد التصور و كيعيش عشوائيا ، من بعد كل المسارات لي دازت عبر التاريخ ثم اعتماد 7 ديال القوانين كونية اتفق عليهم العلم و الدين و الفطرة البشرية 

#قانون_العقل_الكوني

كيحكي على أن الكون هو العقل بحيث أي فكرة كتجي فعقلك راه قابلة أنها تجسد فالعالم و لكن الضرر ديال الاعلام هو لي كيخلي النية ديالك متبعثرة و معارفش ذاتك بالضبط ، و بالضبط الواقع ديالك كيتشكل من خلال الأفكار ديالك .

#قانون_المراسلات

كيعني أن هناك انسجام بين العالم المادي و الروحي ، و لي كيطراو ليك عبره مراسلات مكتعرفش تفسرهم ، و كيف كيقولو المؤمنين بهاد القانون هو أنك الا عرفتي ذاتك و شنو باغي بالضبط بدون تأثرك بالوسط و لا الأفكار لي زرعو ليك فبالك غاتعرف أن الكون بسيط و ميحتاجش طاقة كبيرة ضيعها باش تنجز 

#قانون_الاهتزاز

هاد القانون كيقول لينا بلي أي حاجة فالكون هي قابلة الاهتزاز و أنت كشخص كتجذب ليك ديما الأشياء لي فنفس التردد ديالك , دكشي علاش الا كنتي شخص مثلا سيء ميمكنش يكون ضايرين بيه ناس مزيانين و قس هذا المثال على أي حاجة فالحياة .

#قانون_الثنائية_القطبية 

هاد القانون كيشرح لينا أن كل شيء فالكون له الضد ديالو و هي حكمة لي كتبين ليك بلي نتا لك حرية الاختيار ، كاين الضوء و الظلام ، الخير و الشر ، الحرارة و البرودة ، الاجابية و السلبية ، نعم و لا 

#قانون_الايقاع

بالضبط هنا كيفهم لينا بلي كلشي كيمشي على ايقاع ، إما يمين يسار أو فوق تحت مثلا ، و هادشي كنلمسوه فالحياة مثلا فحياتنا كيكونو فترات زوينة و فترات خايبين ، الحضارات الكبار ضروري ما كيمرو من فترات القوة و من بعد الضعف و النهاية ، وهنا بالضبط مكيخسكش تكون شخص ضد النظام باش تخلي حياتك ديما 100٪ مزيانة حيث هادشي ضد قانون الكون بالعكس خاصك تكون كنحاول تعادل الكفة و صاف 

#قانون_السبب_و_النتيجة 

هاد القانون كيقول لينا بكثرت ما حياتنا كتبان بعض المرات عشوائية بكثر ما هي العكس ، بحيث بعض المرات كيطراو شي حاجات كتقول عندي الزهر و لكن مكايناش شي حاجة سميتها الحظ لأن لكل حاجة سبب و لكن سبب نتيجة كنحددوها حنا بطريقة مباشرة أو لا .

#قانون_النوع

كيقول بلي كل شيء عندو نوع ديالو و لكن غانسلطو الضوء على الذكر و الأنثى ، و الاهم أنه الذكر فيه اشياء أنثوية باش يبقى ديما محتاجها و الأنثى كذلك ، و الأهم هو الكمال يأتي بلقاء النوع 

#سعدون