فالعصور القديمة دايمن كان الإنسان تايحاول يفسر السلوك الإنساني بأية طريقة بحيث يمكن نعتابرو 95% من الفلاسفة لي مرو عبر التاريخ تطرقو لهاد البحر من الإشتباكات السيكولوجية بالدرجة الاولى وكان مرتبط بالفلسفة بدرجة كبييرة
العصر الحدييث اكيد وقعو تغيرات كثيرة فهاد المفهوم بحيث ولا مقسوم لما يسمى بعلم النفس العام ولي كايهتم بالإدراك و الشخصية و الدوافع , والجانب الآخر لي هو علم النفس الفيسيولوجي ولي حتى هو كايدرس السلوك الانساني وكابهتم اكثر بما هو مرتبط بالجهاز العصبي و كيفاش كايخدم . كاينين تفرعات خرا بحال ( علم النفس الصناعي- علم نفس الشواد - علم نفس النمو )
لكن المهم من هدشي كاملو هو الفرع لي كايخليك تكون انسان عصامي وعلى الأقل تكون مصايب حياتك أو ما يسمى بعلم النفس الإجتماعي لي كايدرس سلوكيات الفرد وعلاقتو بالمجتمع و المحيط لي داير بيه وكايعالج بزاف القضايا و كايبين ليك كيفاش الفرد كايأثر على الجماعة وكيفاش تنطلق من جماعة باش تبني أمة او حضارة
هادي فقط حبة رمل من بحر واسع فهاد المجال و نصحكم باش تزيدو تقراو عليه غايعاونكم كثير فحياتكم خصوصا كيفاش تكون نتا هو نتا ( قليل لي غايفهم هاد الجملة) كاين واحد الكتاب بالنسبة للناس لي كايقلبو على تحليل الشخصية سميتو بوصلة الشخصية للكاتب دايان تيرنر و الكاتبة ثلما جيريكو لي بغاه مرحبا
No comments:
Post a Comment