فوقما كاتبغي تبدا شي حاجة جديدة ضروري من شوية التوتر حيث حنا معارفينش واش نقدروا نجحوا فداكشي ولا لا، واقدر ݣاع اقولك راسك شكون انت أصلا باش دير هكّا، ولكن بمجرد أنك تبدا و دّير غير شي خطوات و تغلب على بعض العقبات وخا تكون صغيرة غتعطيك ثقة باش تكمل و تستمر.
سوا كانت فكرة جديدة ولا مشروع جديد بغيتي تبداه باش تحقق داكشي راه خاصك ضروري ثيق فراسك متبقاش تشك فراسك تقول هادشي جديد عليا أش داني لهادشي حيث دوك الأفكار هوما لي أيخليوك تحس بلي انت مقادش على داكشي، بدا بشي حاجة صغيرة و تعلم منها و انت غادي واحتافل بأي حاجة وصلتي ليها أييه أسيدي وا احتافل و نوض القربلة ݣاع كيفما كان داك الإنجاز صغير المهم غيعطيك ثقة و غايموتيڤيك باش تكمل.
عمرك تشك ولا تقلل من الإمكانيات ديالك مني تبغي تبدا شي حاجة جديدة غير ثق فراسك و جرب "حظك"، وخا فالأصل مكايناش شي حاجة سميتها الحظ، ثيق بيا عندك الإمكانيات كثر ما كاتخايل.
No comments:
Post a Comment