ماهية الحياة

تقدر تكون ماشي من داك النوع لي كيبقا يفكر فماهية الحياة ؟ و الوجود و لكن أكيد سبق ليك و سولتي راسك علاش حنا هنا ؟ شنو معنى الآلام ديالنا ، واش عندنا نهاية إلخ من الأسئلة ، على عكس ما كيثم التدريس فالمدارس بخصوص الفلسفة إلا أنها كتبقا مرتبطة بقوانين مكتجربش ، هادشي لي كيخلي مستحيل نتوصلو لحقيقة ثابتة وحدة ⁦

و هنا الفلسفة قسمات لينا دوك التساؤلات كاملهم ل3 المذاهب أساسية ، الوجودية ، العدمية و العبثية . 

#الوجودية : 

هي مذهب كيعطيك الحرية التامة باش تحاول تفكر بدون أي قيود ، ظهرت هاد الفلسفة مع ظهور الحروب في أواخر القرن 19 لأن النقاش فديك الفترة كانت ضاير بزاف على الوجود د الإنسان ، بحيث الوجودية كتهتم بالكينونة ديال الإنسان فالعالم لي عايشين فيه ، من أحسن الروايات لي تناولت هاد الفلسفة هي "the Brothers karamazov" .

#العدمية: 

من الفلسفات القاسية التفكير ، و لي كتدعي بلي العالم أو الوجود ديال الكائنات ما عندو حتى معنى أو قيمة ، بل حتى القيم الإنسانية هي مجرد أفكار ٱخترعها الإنسان لا غير باش يحمي راسو ، المبدأ ديالها عموما هو رفض أي حاجة ممكن تحكم بك و هادشي اصلا علاش ظهرت فالقرن 19 لأنها كانت ثورة ضد الكنيسة و الدولة و حتى التقاليد ، و أفضل مثال للعدمية هي آراء و المواقف ديال نيتشه بحيث كيقول أن الإنسان تخلق بإمكانات محدودة بحيث متحاولش تحلم بزاف و نفس الوقت متكونش متشائم  

#العبثية : 

فلسفة كتلخص فالصراع الدائم للإنسان في إيجاد معنى لحياته ، ونفس الوقت عدم قدرته على تحقيق ذلك ، تطورت الفلسفة العبثية بالضبط فبعد الحرب العالمية بحيث كانت المبادئ ديالهم محصورة ف3 ، إما الإنتحار المادي ، أو الإيمان بالدين ، أو الإيمان بالعبثية و  هاد العالم ما عندو حتى معنى...

#سعدون